İmtahan təcrübəm Sertifikat imtahanı

Hansı test bankından istifadə etdim?

Java certification mock exams
Written by Mushfiq Mammadov

Hələ imtahan hazırlığımın ortalarında lap sonda Enthuware sual bankı almağı planlaşdırmışdım. Çünki forumda imtahandan uğurla keçənlərin əksəriyyəti öz təcrübələrində Enthuware mock examların onlara çox böyük faydası olduğunu yazırdı. Proqramın əvvəlcə trial versiyasını yüklədim və “Sample Test” suallarına baxdım. Suallar çox xoşuma gəldi və tam versiyanı sifariş etdim. Dizaynı çox sadə idi, əvvəlcə öyrəşə bilmirdim, amma sonradan çox bəyəndim. Və ilk olaraq “Standard Tests”ləri etdim.

Enthuware Standard Test`lər üzrə nəticələrim:

Foundation Test – 79%     
Test 1 – 88%     
Test 2 – 94%     
Test 3 – 78%     
Test 4 – 87%     
Test 5 – 92%     
Test 6 – 94%     

Səhv və ya düz yazmağımdan asılı olmayaraq bütün sualların izahını oxuyurdum və izahlardan bilmədiyim yeni şeylər öyrənirdim. Əgər izahdan da sualı məni qane edəcək səviyyədə başa düşmürdümsə, o zaman “discuss” butonunu tıklayaraq forumdakı müzakirələrə (əgər varsa) baxırdım. İngilis dili səviyyəmə görə hərdən yaxşı başa düşmürdüm, başa düşənə qədər – 3 dəfə, 4 dəfə, lazım gəlirdisə lap 5 dəfə də təkrar oxuyurdum.

Enthuware Standart Test`ləri bitirdikdən sonra (Last Day Test`dən başqa) imtahan üçün qeydiyyatdan keçdim. İmtahana hələ 1 həftə vaxt qalmışdı və həmin müddətdə qeydlərimi təkrarlamağa başladım. 150 səhifəyə yaxın qeydim var idi və hər mövzunu təkrarladıqca Enthuware Objective–wise Test`ləri edirdim. İmtahana 2 gün qalmış bütün hazırlığı bitirdim. Şənbə günü sonuncu Standart Test`i etdim:

Bazar günü istirahət etdim. Bazar ertəsi günü isə imtahana getdim..

About the author

Mushfiq Mammadov

Leave a Comment

 

This site uses Akismet to reduce spam. Learn how your comment data is processed.